2016 წლის 20 თებერვალს მართლმსაჯულების სახლში მოსამართლეთა XVII რიგგარეშე კონფერენცია ჩატარდა, რეგისტაცია 227-მა მოსამართლემ გაიარა. კონფერენცია საქართველოს მოსამართლეთა კონფერენციის ადმინისტრაციული კომიტეტის თავმჯდომარე ლევან თევზაძემ გახსნა. დღის წესრიგით გათვალისიწნებულ საკითხთა შორის იუსტიციის უმაღლესი საბჭოს მოსამართლე წევრის არჩევაც იყო.

2016წლის 22თებერვალს10:00 საათზე გაიმართება იუსტიციის უმაღლესი საბჭოს მორიგი სხდომა.

დღის წესრიგით გათვალისწინებული საკითხების განხილვის შემდეგ სხდომა დაიხურება,დისციპლინური საჩივრების განხილვის გამო.

დღის წესრიგი იხილეთ თანდართული ფაილის სახით.

2016 წლის 17 თებერვალს უზენაეს სასამართლოში საქართველოს სისხლის სამართლის საპროცესო კოდექსის 114-ე მუხლის გამოძიების დროს პირის მოწმედ დაკითხვის წესის ამოქმედებასთან დაკავშირებით, მართლმსაჯულების ინტერესებიდან გამომდინარე, თბილისის საქალაქო სასამართლოსა და აღმოსავლეთ საქართველოს რაიონული/საქალაქო სასამართლოების სისხლის სამართლის საქმეთა კოლეგიის მოსამართლეებთან და სხდომის მდივნებთან სამუშაო შეხვედრა გაიმართა.
სამუშაო შეხვედრას უძღვებოდა უზენაესი სასამართლოსა და იუსტიციის უმაღლესი საბჭოს თავმჯდომარე. ნინო გვენეტაძემ მოსამართლეებს ინფორმაცია მიაწოდა მოწმის დაკითხვის ახალი წესის ამოქმედებასთან დაკავშირებით სამართლებრივ, ტექნიკურ და ორგანიზაციულ ასპექტებზე.

2016 წლის 20 თებერვალს, 12:00 საათზე მართლმსაჯულების სახლში (მის.: ქ. თბილისი, ნოდარბოხუასქუჩა N19) ჩატარდებასაქართველოსმოსამართლეთა XVII რიგგარეშე კონფერენცია. მოსამართლეთარეგისტრაციადაიწყება 11:00 საათზე.(იხილე დღის წესრიგი).

2016 წლის 15 თებერვალს საქართველოს იუსტიციის უმაღლეს საბჭოში მოსამართლეების ფიცის დადების ცერემონია გაიმართა. ახლად დანიშნულმა 3 მოსამართლემ - ვალერიანე ფილიშვილმა (გორის რაიონული სასამართლო), პაატა ფხალაძემ (ბოლნისის რაიონული სასამართლო) და ნანა ჯოხაძემ (მაგისტრატი მოსამართლე ოზურგეთის რაიონულ სასამართლოში) მოსამართლის ფიცი დადეს.

ახლად დანიშნული მოსამართლეები სამოსამართლეო უფლებამოსილების განხორციელებას 2016 წლის 15 თებერვლიდან შეუდგებიან.