2016 წლის 2 თებერვალს 10:00 საათზე სასტუმრო ,,რედისონ ბლუ ივერია-ში საქართველოს იუსტიციის უმაღლესი საბჭოს ორგანიზებით გაიმართა კონფერენცია თემაზე - სასამართლოს დამოუკიდებლობის მიმდინარე გამოწვევები.

შეხვედრაზე საუბარი იყო იუსტიციის უმაღლესი საბჭოს საქმიანობის ძირითად მიმართულებებზე და გამოქვეყნდა საბჭოს მიმართვა საზოგადოების, ხელისუფლების, პოლიტიკური პარტიებისა და სამოქალაქო სექტორისადმი. იუსტიციის უმაღლესი საბჭოს წევრები ეთანხმებიან და იზიარებენ საქართველოს მოსამართლეთა კონფერენციის მიერ 2016 წლის 1 თებერვალს შემუშავებული მიმართვის შინაარსს.

გთავაზობთ ხელისუფლების, პოლიტიკური პარტიებისა და სამოქალაქო სექტორისადმი საქართველოს იუსტიციის უმაღლესი საბჭოს წევრთა მიმართვის ტექსტს.

2016 წლის 01 თებერვალს მართლმსაჯულების სახლში მოსამართლეთა XVI რიგგარეშე კონფერენცია ჩატარდა. კონფერენციას 218 მოსამართლე დაესწრო.

კონფერენცია გახსნა საქართველოს მოსამართლეთა კონფერენციის ადმინისტრაციული კომიტეტის თავმჯდომარე ლევან თევზაძემ, რომელმაც კონფერენციის მონაწილეებს სადისციპლინო კოლეგიის საქმიანობისა და განხილული დისციპლინური საქმეების შესახებ სტატისტიკური ინფორმაცია მიაწოდა.

საქართველოს მოსამართლეთა კონფერენციამ, როგორც სასამართლო ხელისუფლების თვითმმართველობის ორგანომ, რომელიც გამოხატავს საქართველოს მოსამართლეების საერთო აზრსა და პოზიციას, სასამართლოსა და იუსტიციის უმაღლესი საბჭოს ირგვლივ განვითარებულ მოვლენებთან დაკავშირებით შეიმუშავა ერთიანი მიმართვა საზოგადოების, ხელისუფლებისა და სამოქალაქო სექტორისადმი.

ტექსტის სრული ვერსია იხილეთ თანდართული ფაილის სახით.

2016 წლის 2 თებერვალს 10:00 საათზე საქართველოს იუსტიციის უმაღლესი საბჭოს ორგანიზებით გაიმართება კონფერენცია თემაზე - სასამართლოს დამოუკიდებლობის მიმდინარე გამოწვევები.

შეხვედრაზე სტუმრები გაეცნობიან იუსტიციის უმაღლესი საბჭოს საქმიანობის ძირითად მიმართულებებს. ამასთან, გამოქვეყნდება საბჭოს მიმართვა საზოგადოების, ხელისუფლების, პოლიტიკური პარტიებისა და სამოქალაქო სექტორისადმი.

დღის წესრიგი იხილეთ თანდართული ფაილის სახით.