2017 წლის 8 აპრილს, მართლმსაჯულების სახლში მოსამართლეთა მეოცე რიგგარეშე კონფერენცია გაიმართა, რომელშიც მონაწილეობა 261 მოსამართლიდან 205-მა მიიღო.

მოსამართლეთა კონფერენციაზე საქართველოს იუსტიციის უმაღლესი საბჭოს ორი წევრის ვაკანტურ თანამდებობაზე, ფარული კენჭისყრით იუსტიციის უმაღლესი საბჭოს წევრებად გიორგი მიქაუტაძე (196 ხმა) და რევაზ ნადარაია აირჩიეს (195 ხმა).

ასევე, ფარული კენჭისყრით, არჩეულ იქნა მოსამართლეთა კონფერენციის ადმინისტრაციული კომიტეტის წევრი - მერაბ ლომიძე (197 ხმა).

კონფერენციაზე საქართველოს უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძემ დამსწრე საზოგადოებას ,,მართლმსაჯულების სტრატეგიისა და სამოქმედო გეგმის პროექტი წარუდგინა.

იუსტიციის უმაღლესი სკოლა აცხადებს მსურველთა მიღებას კვალიფიკაციის ასამაღლებელ კურსებზე.

იუსტიციის უმაღლესი სკოლა აცხადებს მიღებას შემდეგ კურსებზე:

• მოსამართლეთა საკვალიფიკაციო გამოცდისათვის მოსამზადებელი კურსი (სამოქალაქო/ადმინისტრაციული და სისხლის სამართლის სპეციალიზაციით)
• საპროცესო დოკუმენტების შედგენა და სასამართლოში წარმომადგენლობა

(სამოქალაქო, ადმინისტრაციული და სისხლის სამართლის სპეციალიზაციით)

რეგისტრაციის დაწყება: 7 აპრილი. 2017 წელს

სწავლების დაწყება: 1 მაისი, 2017 წელს

დაინტერესებულმა პირებმა უნდა შეავსონ სარეგისტრაციო ფორმა იუსტიციის უმაღლესი სკოლის ვებ-გვერდზე. მონაწილეებთან დაკავშირება მოხდება ელექტრონული ფოსტის მეშვეობით.

დაწვრილებითი ინფორმაციის მისაღებად გთხოვთ მიჰყვეთ ბმულს: http://www.hsoj.ge/geo/study_programs/courses/

ტელ: (+995 32)238 11 61

მობ: (+995 599) 68 69 01
ელ-ფოსტა:info@hsoj.ge
ვებ-გვერდი: www.hsoj.ge
Facebook:https://www.facebook.com/hsoj.ge/

2017 წლის 4 აპრილს საქართველოს პარლამენტში, იურიდიულ საკითხთა კომიტეტში გაიმართა მართლმსაჯულების სტრატეგიის დოკუმენტის პრეზენტაცია და განხილვა.

აღნიშნულ ღონისძიებაში მონაწილეობას იღებდნენ საქართველოს უზენაესი სასამართლოს, იუსტიციის უმაღლესი საბჭოს თავმჯდომარე, საქართველოს იუსტიციის უმაღლესი საბჭოს მდივანი, წევრები, საკანონმდებლო ორგანოსა და აღმასრულებელი ხელისუფლების, ევროპის საბჭოს, ევროკავშირისა და დონორი ორგანიზაციების წარმომადგენლები.