საქართველოს იუსტიციის უმაღლესი საბჭოს მიერ ტესტირებისა და გასაუბრების საფუძველზე შეირჩა 12 სტაჟიორი, რომლებიც სტაჟირებას გაივლიან იუსტიციის უმაღლესი საბჭოს შესაბამის დეპარტამენტებში. სტაჟირების ვადა 2012 წლის 3 იანვრიდან დაიწყება.

2011 წლის 23 დეკემბერს, საქართველოს იუსტიციის უმაღლესი საბჭოს ორგანიზებით, უზენაეს სასამართლოში საერთო სასამართლოების გუნდებს შორის გამართულ ინტელექტუალურ თამაშში ,,რა? სად? როდის?’’ გამარჯვებული თბილისის საქალაქო სასამართლოს გუნდი გახდა.

დღეს, საქართველოს იუსტიციის უმაღლეს საბჭოში სტაჟიორობის მსურველთა მეორე ეტაპი (გასაუბრება) დაიწყო, მასში მონაწილეობას 36 კანდიდატი იღებს. მათ პირველი ეტაპი (ტესტური გამოცდა) 2011 წლის 3 დეკემბერს წარმატებით გაიარეს და მეორე ეტაპზე გასვლის უფლება მოიპოვეს.

მაღალკვალიფიციური კადრების მომზადების, მათი პროფესიული განვითარების, პრაქტიკული უნარ-ჩვევების ჩამოყალიბებისა და სრულყოფის მიზნით მცხეთის რაიონული სასამართლო აცხადებს კონკურსს სტაჟიორთა მისაღებად. სასამართლოში სტაჟირების ვადაა 6 თვე. სტაჟირების გავლა წარმოებს ანაზღაურების გარეშე.