2011 წლის 7 დეკემბერს გაზეთ ,,ბათუმელები-ს რედაქციამ მიმართა საქართველოს იუსტიციის უმაღლესი საბჭოს, კორპორაციულ მეილზე, შემდეგი კითხვებით: საქართველოში რაიონულ სასამართლოებში რამდენი მოსამართლე მუშაობს და მოსამართლის რამდენი შტატი არსებობს?; მოსამართლეთა არსებული რაოდენობა ხომ არ აფერხებს სასამართლოების გამართულად მუშაობას და თუ არ აფერხებს, ამას რითი ხსნის იუსტიციის უმაღლესი საბჭო?; რამდენ ადამიანს აქვს მოსამართლის სასერთიფიკაციო გამოცდები ჩაბარებული და რამდენს აქვს დამთავრებული იუსტიციის უმაღლესი სკოლა?

დღეს, საქართველოს იუსტიციის უმაღლეს საბჭოში, კონკურსის წესით შერჩეული 12 სტაჟიორი საბჭოს წევრებმა - კახა კობერიძემ და რამაზ ჟღენტმა წარადგინეს.

2011 წლის 29 დეკემბერს, საქართველოს უზენაეს სასამართლოში 6 ახალმა მოსამართლემ: ანა გოგიშვილმა, გერონტი კახეთელიძემ, გიორგი მიქაუტაძემ, ეკატერინე ბიწაძემ, მადონა მაისურაძემ და მარიკა ჩიტაშვილმა საქართველოს იუსტიციის უმაღლესი საბჭოს წინაშე ფიცი დადეს. ისინი თბილისისა და საქართველოს რეგიონების სასამართლოებში შეუდგებიან მოვალეობის შესრულებას. ახლადდანიშნულმა მოსამართლეებმა სწავლების კურსი საქართველოს იუსტიციის უმაღლეს სკოლაში გაიარეს და წარმატებით ჩააბარეს შემაჯამებელი გამოცდა.