საქართველოს იუსტიციის უმაღლეს საბჭოს სამართლის უზენაესობის მდგრადი ინიციატივების ფონდის (FSRI) პრეზიდენტი ვიქტორ სჩატერი და მედიაციის ექსპერტები ჯენიფერ ბრენდტი და დევიდ ვეისი ესტუმრნენ. სტუმრებს საქართველოს იუსტიციის უმაღლესი საბჭოს მდივანმა გიორგი მიქაუტაძემ და საბჭოს არამოსამართლე წევრებმა უმასპინძლეს.

შეხვედრაზე საუბარი შეეხო საქართველოში მედიაციის პროგრამების განხორციელებას, დავების ალტერნატიული გადაწყვეტის გზებს, სავალდებულო მედიაციის ამოქმედების საჭიროებას. სტუმრებმა ისაუბრეს, თუ როგორია მედიაციის დამკვიდრების პრაქტიკა მსოფლიოს სხვადასსხვა ქვეყნებში.

შეხვედრის დასრულების შემდეგ იუსტიციის უმაღლესი საბჭოს მდივანმა მომავალი თანამშრომლობისთვის მზადყოფნა გამოხატა.

2017 წლის 2 ოქტომბერს თბილისის საქალაქო სასამართლოში საქართველოს იუსტიციის უმაღლესი საბჭოს მდივანი გიორგი მიქაუტაძე იესპერ ვიტრუპს (USAID-PROLOG-ის საერთაშორისო ექსპერტი მოსამართლეთა და სასამართლო მოხელეთა საჭირო რაოდენობის განსაზღვრის მიმართულებით) შეხვდა. შეხვედრას ასევე ესწრებოდნენ USAID-PROLOG-ის ხელმძღვანელი - გიორგი ჩხეიძე, ხელმძღვანელის მოადგილე - ნილ ვაინსტაინი, მართლმსაჯულების პოლიტიკისა და კანონმდებლობის რეფორმის მიმართულების დირექტორი ინგა თოდრია და სასამართლო რეფორმის მიმართულების კოორდინატორი ეკა ონიანი.

საქართველოს იუსტიციის უმაღლესი საბჭოს მდივანთან გაცნობითი შეხვედრა მიზნად ისახავდა კვლევის პირველი ეტაპის შესახებ ინფორმაციის გაცვლას და ძირითადი მიზნებისა და შემდგომი ნაბიჯების შესახებ შეთანხმებას. კვლევის პირველ ეტაპზე მუშაობა ექსპერტმა უკვე დაიწყო და უახლოესი ერთი კვირის მანძილზე ის სასამართლო სისტემის ხელმძღვანელ თანამდებობის პირებსა და მოხელეებთან გამართავს შეხვედრებს.

სასამართლოს სისტემის რეფორმის ძირითად მიმართულებებთან დაკავშირებით, თბილისის საქალაქო სასამართლოში პარლამენტის იურიდიულ საკითხთა კომიტეტის ორგანიზებით, მორიგი სამუშაო შეხვედრა გაიმართა. შეხვედრაში მონაწილეობდნენ საქართველოს უზენაესი სასამართლოს, საქართველოს იუსტიციის უმაღლესი საბჭოს თავმჯდომარე ნინო გვენეტაძე, იუსტიციის უმაღლესი საბჭოს მდივანი გიორგი მიქაუტაძე, იუსტიციის მინისტრი თეა წულუკიანია, საბჭოს წევრები, თბილისის სააპელაციო სასამართლოს თავმჯდომარე მიხეილ ჩინჩალაძე, ასევე საერთაშორისო ორგანიზაციების წარმომადგენლები.

იუსტიციის უმაღლესი სკოლააცხადებს მსურველთა მიღებასმოსამართლეობისსაკვალიფიკაციო გამოცდისათვის მოსამზადებელ კურსზე:

- სამოქალაქო/ადმინისტრაციული სამართლის სპეციალიზაცია

- სისხლის სამართლის სპეციალიზაცია

რეგისტრაციის დაწყება:28 სექტემბერი. 2017 წ

რეგისტრაციის დასრულება: 8 ოქტომბერი 2017 წ

სწავლების დაწყება:16 ოქტომბერი 2017 წ

დაინტერესებულმა პირებმა უნდა შეავსონ სარეგისტრაციო ფორმა იუსტიციის უმაღლესი სკოლის ვებ-გვერდზე. მონაწილეებთან დაკავშირება მოხდება ელექტრონული ფოსტის მეშვეობით.

დაწვრილებითი ინფორმაციის მისაღებად გთხოვთ მიჰყვეთ ბმულს:http://www.hsoj.ge/geo/study_programs/courses/mosgamo

ტელ:(+995 32)238 11 61

მობ:(+995 599) 68 69 01
ელ-ფოსტა:info@hsoj.ge
ვებ-გვერდი:www.hsoj.ge
Facebook:https://www.facebook.com/hsoj.ge/

დღეს, 2 ოქტომბერს საქართველოს იუსტიციის უმაღლესი საბჭოს სხდომაზე განიხილეს თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგის თავმჯდომარის დანიშვნის საკითხი. კენჭისყრაზე მოსამართლე ბადრი შონიას კანდიდატურა იქნა წარდგენილი, რომელმაც აღნიშნულ თანამდებობის დასაკავებლად საკმარისი ხმა ვერ მოაგროვა. ამის შემდეგსაბჭოს წევრებმა თემურ გოგოხიას კანდიდატურაზე იმსჯელეს და ის ხმათა უმრავლესობით თბილისის საქალაქო სასამართლოს სისხლის სამართლის საქმეთა საგამოძიებო, წინასასამართლო სხდომისა და არსებითი განხილვის კოლეგიის თავმჯდომარის მოვალეობის შემსრულებლად დაინიშნა.

სხდომის დასრულების შემდეგ ჩატარდა გასაუბრება 2 მოსამართლესთან ელისო ტუკვაძესთან და თამარ ალანიასთან (მათ გააკეთეს განაცხადი მოსამართლის თანამდებობაზე უვადოდ დანიშვნის თაობაზე).

უვადოდ დანიშვნის მსურველ მოსამართლეებთან გასაუბრება ჩატარდება 2017 წლის 9, 10 და 11 ოქტომბერს.