2016 წლის 15 ნოემბერს ქ. სტრასბურგში ევროპის საბჭოში გამართულ შეხვედრაზე განხილული იქნა საქართველოსთვის 2016-2019 წლების ევროპის საბჭოს სამოქმედო გეგმა. აღნიშნული დოკუმენტი მოიცავს ევროპის საბჭოს მიერ საქართველოში განსახორციელებელ პროექტებს, რომელთა მიზანია ქართულ მხარესთან თანამშრომლობა ადამიანის უფლებების დაცვის, დემოკრატიისა და სამართლის უზენაესობის განმტკიცების მიმართულებებით.

2016 წლის 17 ნოემბერს საქართველოს იუსტიციის უმაღლეს საბჭოში მართლმსაჯულების სტრატეგიისა და სამოქმედო გეგმის კომიტეტისპირველისამუშაო ჯგუფის -სასამართლოს დამოუკიდებლობა და მიუკერძოებლობა შეხვედრა გაიმართა.

შეხვედრას ხელმძღვანელობდა სამუშაო ჯგუფის მომხსენებელი, იუსტიციის უმაღლესი საბჭოს წევრი ქალბატონი ევა გოცირიძე. შეხვედრას ესწრებოდნენ: საქართველოს უზენაესი სასამართლოს და იუსტიციის უმაღლესი საბჭოს თავმჯდომარე ქალბატონი ნინო გვენეტაძე, სამთავრობო,არასამთავრობო და საერთაშორისო ორგანიზაციების წარმომადგენლები.

სამუშაო ჯგუფის წევრებს ქალბატონმა ევა გოცირიძემ მის მიერ მომზადებული პროექტი წარუდგინა, რომელშიც ძირითადი პრინციპები, ხედვები და მიმართულებებია წარმოდგენილი.სამუშაო ჯგუფის წევრებმა გამოთქვეს საკუთარი მოსაზრებები დოკუმენტის სრულყოფასთან დაკავშირებით.