5 დეკემბერს, სასტუმრო ქორთიარდ მარიოტში”, საქართველოს ბიზნეს ასოციაციამ შეხვედრა გამართა იუსტიციის უმაღლესი საბჭოს წევრებთან, რომელსაც იუსტიციის უმაღლესი საბჭოს მდივანი გიორგი მიქაუტაძე, საქართველოს ბიზნეს ასოციაციის პრეზიდენტი, ვიცე პრეზიდენტები და ასოციაციის წევრი კომპანიების წარმომადგენლები ესწრებოდნენ. შეხვედრის მიზანი იყო იმ სამართლებრივი საკითხების განხილვა, რომლებიც გავლენას ახდენენ საქართველოში ბიზნეს-სუბიექტების საქმიანობაზე.

სასამართლო სისტემის რეფორმის მე-4 ეტაპის პრიორიტეტულ საკითხებზე იმსჯელეს, 3-4 დეკემბერს, ბორჯომში გამართულ შეხვედრაზე, რომელსაც იუსტიციის უმაღლესი საბჭოს წევრები, მოსამართლეები, საკანონმდებლო და აღმასრულებელი ხელისუფლების წარმომადგენლები ესწრებოდნენ. სამუშაო შეხვედრაზე განიხილეს შემდეგი საკითხები: საქმეთა ნაკადის მართვა და საკანონმდებლო ცვლილებები; დისციპლინური სამართალწარმოება და პასუხისმგებლობის საფუძვლები. ორდღიანი ღონისძიებაში ასევე მონაწილეობდნენ საერთაშორისო ორგანიზაციების წარმომადგენლები (ევროკავშირი, ევროსაბჭო, აშშ-ის საელჩო, USAID, PROLoG), ადგილობრივი და საერთაშორისო ექსპერტები.