მაღალკვალიფიციური კადრების მომზადების, მათი პროფესიული განვითარების, პრაქტიკული უნარჩვევებისა და სრულყოფის მიზნით, საჩხერის რაიონულ სასამართლოში სტაჟიორთა კონკურსი გამოცხადდა.

სტაჟირების კანდიდატი შეიძლება იყოს უმაღლესი იურიდიული განათლების მქონე პირი, რომელსაც აქვს იურისტის კვალიფიკაცია, ასევე უმაღლესი იურიდიული სასწავლებლის დამამთავრებელი კურსის სტუდენტი.

სტაჟიორები, რომლებიც კონკურსის წესით შეირჩევიან საჩხერის რაიონულ სასამართლოში გაივლიან ექვსთვიან სტაჟირების კურსს, რომლის წარმატებით დასრულების შემდეგ მიიღებენ სერთიფიკატს.

სტაჟიორობის კანდიდატს მოეთხოვება კომპიუტერთან მუშაობისა (სამომხმარებლო დონეზე) და შემდეგი ნორმატიული აქტების ცოდნა:
საქართველოს კონსტიტუცია;
,,საერთო სასამართლოების შესახებ” საქართველოს ორგანული კანონის;
საქართველოს ზოგადი ადმინისტრაციული კოდექსის;
საერთო სასამართლოების შესახებ ნორმატიული აქტების;საქართველოს სისხლის სამართლისა და სისხლის სამართლის საპროცესო კოდექსის;
საქართველოს ადმინისტრაციულ სამართალდარღვევათა და ადმინისტრაციული საპროცესო კოდექსებისა და საქართველოს სამოქალაქო და სამოქალაქო საპროცესო კოდექსების ცოდნას.

დაინტერესებულმა პირებმა, რომლებიც აკმაყოფილებენ ზემოაღნიშნულ მოთხოვნებს, საჩხერის რაიონული სასამართლოს სტაჟირების კომისიის სამდივნოში (მის: აღმაშენებლის ქ #3) უნდა წარმოადგინონ:
განაცხადი სტაჟირებაზე (გაიცემა საჩხერის რაიონული სასამართლოს საორგანიზაციო საკითხთა განყოფილების მიერ); პირადობის დამადასტურებელი მოწმობის ასლი;
ორი ფოტო სურათი 3/4;
დიპლომიოს ასლი ან ცნობა უმაღლესი სასწავლებლიდან;
ორი რეკომენდაცია.

საბუთების წარმოდგენის ბოლო ვადა 26 თებერვალია.

კონკურსი ჩატარდება ტესტირების ან გასაუბრების ფორმით.