საქართველოს უზენაესი სასამართლოს მოსამართლის თანამდებობაზე ასარჩევად საქართველოს პარლამენტისათვის წარსადგენი კანდიდატების შერჩევის პროცედურა იწყება.
უზენაესი სასამართლოს მოსამართლის ერთ ვაკანსიაზე განცხადებები ელექტრონული ფორმით მიიღება 2019 წლის 19 სექტემბრიდან 9 ოქტომბრის ჩათვლით. შესაბამისი გადაწყვეტილება იუსტიციის უმაღლესმა საბჭომ დღეს მიიღო.
უზენაეს სასამართლოს ერთ-ერთ მოსამართლეს უფლებამოსილების ვადა დეკემბერში ეწურება. კანონის შესაბამისად, ვადის ამოწურვამდე 3 თვით ადრე იუსტიციის უმაღლესი საბჭო უფლებამოსილია შერჩევის პროცედურები დაიწყოს.