დაიბადა 1971 წლის 16 ნოემბერს ქ. ზესტაფონში.

1988 წელს დაამთავრა ზესტაფონის N 2 საშუალო სკოლა.

1996 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი.

1998 წელს გაიარა სწავლება აშშ-ს II ოლქის სააპელაციო სასამართლოში სასამართლო საქმისწარმოების და ადმინისტრირების საკითხებზე.

1999 წელს გაიარა სწავლება აშშ-ს ტ. მარშალის სახელობის ფედერალურ სასამართლო ცენტრში საბიუჯეტო და ადამიანური რესურსების სისტემების შესახებ.

2000 წელს გაიარა სწავლება საფრანგეთში, გრეფიების ეროვნულ სკოლაში, ევროკავშირისა და იუსტიციის სასწავლო ცენტრის პროექტით - სასამართლო პერსონალის მომზადების და გადამზადების საკითხებზე.

1991 წლის აპრილიდან ნოემბრამდე მუშაობდა საქართველოს უზენაესი სასამართლოს სამართლებრივი ინფორმატიკისა და კანონმდებლობის სისტემატიზაციის განყოფილების ინსპექტორად.

1991-1997 წლებში მუშაობდა საქართველოს უზენაესი სასამართლოს სამართლებრივი ინფორმატიკისა და კანონმდებლობის სისტემატიზაციის განყოფილების უფროს ინსპექტორად.

1994-1997 წლებში იყო საქართველოს უზენაესი სასამართლოს სამდივნოს ხელმძღვანელი.

1997-1999 წლებში იყო საქართველოს იუსტიციის საბჭოს კანცელარიის გამგე.

1999-2003 წლებში იყო თბილისის საოლქო სასამართლოს ადმინისტრატორი.

2003-2005 წლებში იყო თბილისის საოლქო სასამართლოს მოსამართლე.

2005-2014 წლებში იყო თბილისის სააპელაციო სასამართლოს მოსამართლე.

2015-2016 წლებში იყო შპს ,,საქართველოს მელიორაციის“ იურიდიული სამსახურის უფროსი, გენერალური დირექტორის მრჩეველი.

2016-2020 წლებში იყო ზესტაფონის რაიონული სასამართლოს მოსამართლე.

2020 წლიდან არის ქუთაისის საქალაქო სასამართლოს ადმინისტრაციულ საქმეთა კოლეგიის მოსამართლე.