საერთო სასამართლოების შესახებ საქართველოს ორგანული კანონის 49-ე მუხლის მე-4 პუნქტის შესაბამისად, ქვეყნდება საქართველოს იუსტიციის უმაღლესი საბჭოს დადგენილების პროექტი რაიონული (საქალაქო), თბილისისა და ქუთაისის სააპელაციო სასამართლოების შექმნის, მათი სამოქმედო ტერიტორიისა და მოსამართლეთა რაოდენობის განსაზღვრის შესახებ საქართველოს იუსტიციის უმაღლესი საბჭოს 2020 წლის 16 ივნისის №3 დადგენილებაში ცვლილების შეტანის თაობაზე.

2020 წლის 1 დეკემბერს საქართველოს იუსტიციის უმაღლესი საბჭოს მიერ რეგისტრირებულ კანდიდატებს, რომლებიც მონაწილეობენ საქართველოს უზენაესი სასამართლოს მოსამართლის თანამდებობაზე ასარჩევად საქართველოს პარლამენტისთვის წარსადგენი კანდიდატების კონკურსში საშუალება აქვთ 2020 წლის 25 დეკემბრიდან (ორშაბათი-პარასკევი, 10-დან 17 სთ-მდე) იუსტიციის უმაღლეს საბჭოში მათზე მოძიებულ ინფორმაციას გაეცნონ.