მართლმსაჯულების მსოფლიო პროექტის (WJP) მიერ განხორციელებული 2015 წლის კვლევის თანახმად, სამართლის უზენაესობის მაჩვენებელში საქართველომ 31-ე ადგილიდან 29-ე ადგილზე გადმოინაცვლა. 2015 წელს კვლევა 102 ქვეყნის შეფასების საფუძველზე განხორციელდა, 2014 წელს კი - 99 ქვეყნის. საქართველო აღმოსავლეთ ევროპისა და ცენტრალური აზიის ქვეყნებს შორის ლიდერია.

ასეთი კვლევა პირველად საქართველოსთვის 2012-2013 წელს ჩატარდა, სადაც საქართველომ  97 ქვეყნიდან 36-ე ადგილი დაიკავა.

კვლევა ხორციელდება რვა სხვადასხვა ფაქტორის შეფასების საფუძველზე: სახელისუფლო ძალაუფლების ბოჭვა; კორუფციის აღმოფხვრა; ღია მმართველობა; ფუნდამენტური უფლებები; წესრიგი და უსაფრთხოება; საკანონმდებლო და ადმინისტრაციული რეგულირება; სამოქალაქო საქმისწარმოება; სისხლის მართლმსაჯულება და არაფორმალური მართლმსაჯულება.

პროექტი დაფინანსებულია მსოფლიო ბანკის მიერ. კვლევის შედეგეგი დაწვრილებით შეგიძლიათ იხილოთ ქვემოთ მითითებულ ბმულზე: http://worldjusticeproject.org/