2018 წლის 16 მაისს, უზენაესი სასამართლოსა და იუსტიციის უმაღლესი საბჭოს თავმჯდომარე, ნინო გვენეტაძე, იუსტიციის უმაღლესი საბჭოს მდივანი, გიორგი მიქაუტაძე და საბჭოს წევრები საქართველოში ამერიკის შეერთებული შტატების ელჩის მოვალეობის შემსრულებელს, ელიზაბეთ რუდს შეხვდნენ. შეხვედრას ასევე ესწრებოდნენ აშშ-ის საელჩოს პოლიტიკური განყოფილების მომავალი ხელმძღვანელი - ელიზაბეთ ზენტოსი, აშშ-ის საერთაშორისო განვითარების სააგენტოს (USAID) კავკასიის მისიის დირექტორის მოვალეობის შემსრულებელი - ტომ მორისი და კანონის უზენაესობის პროგრამის მენეჯერი - რუსუდან ტაბატაძე.
შეხვედრის ფარგლებში, იუსტიციის უმაღლესი საბჭოს წევრებმა ელიზაბეთ რუდს გააცნეს განხორციელებული რეფორმის შედეგები, მიმდინარე რეფორმის პრიორიტეტული მიმართულებები, მსჯელობა გაიმართა არსებულ გამოწვევებზეც. აშშ-ის ელჩის მოვალეობის შემსრულებელმა მიმდინარე რეფორმის პროცესში შექმნილი პლატფორმის მნიშვნელობაზე გაამახვილა ყურადღება და იუსტიციის უმაღლესი საბჭოს წევრებს აშშ-ის საელჩოს მიერ პარლამენტისთვის წარდგენილი რეკომენდაციები გააცნო.
