დაიბადა 1973 წლის 6 აგვისტოს დაბა გულრიფშში.

1990 წელს დაამთავრა დრანდის საშუალო სკოლა.

2002 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის სოხუმის ფილიალის იურიდიული ფაკულტეტი.

1997-1999 წლებში მუშაობდა აფხაზეთის ა/რ იუსტიციის სამინისტროს გუდაუთის რაიონის სასამართლოს კანცელარიის გამგედ.

1999-2002 წლებში მუშაობდა თბილისის საოლქო სასამართლოში სხდომის მდივნად.

2002-2003 წლებში მუშაობდა აფხაზეთის ა/რ იუსტიციის სამინისტროში მრჩევლად საკადრო საკითხებში, შემდეგ მინისტრის აპარატის უფროსად.

2003-2004 წლებში იყო აფხაზეთის ა/რ იუსტიციის მინისტრის მოადგილე.

2004-2005 წლებში მუშაობდა სს ''საქჰიდროენერგომშენის'' ფილიალ ''ჰიდრომშენსერვისის'' იურისტად.

2005-2006 წლებში იყო ქ. გაგრის მერის მოადგილე, შემდგომ პირველი მოადგილე.

2005-2007 წლებში იყო სს ''საქჰიდროენერგომშენის'' სამეთვალყურეო საბჭოს თავმჯდომარის მოადგილე.

2007-2012 წლებში იყო მცხეთის რაიონული სასამართლოს მოსამართლე.

2007-2008 წლებში მივლინებით მოსამართლისა და თავმჯდომარის უფლებამოსილებას ახორციელებდა გორის რაიონულ სასამართლოში.

2011-2012 წლებში მივლინებული იყო თბილისის სააპელაციო სასამართლოში.

2012-2021 წლებში იყო თბილისის სააპელაციო სასამართლოს ადმინისტრაციულ საქმეთა პალატის მოსამართლე.

2014-2017 წლებში იყო საქართველოს მოსამართლეთა კონფერენციის ადმინისტრაციული კომიტეტის წევრი.

2019 წლის ოქტომბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

2021 წლის დეკემბრიდან არჩეულია საქართველოს უზენაესი სასამართლოს მოსამართლედ უვადოდ - კანონით დადგენილი ასაკის მიღწევამდე.