საქართველოს იუსტიციის უმაღლესი საბჭოს 2009 წლის 10 მარტის გადაწყვეტილებით საერთო სასამართლოების სისტემაში დაინიშნა 6 ახალი მოსამართლე: შაქრო აბუსერიძე, ბესარიონ ალავიძე, ლუიზა თოდუა, სერგო მეთოფიშვილი, ვახტანგ მრელაშვილი და გოჩა ჯეირანაშვილი. აღნიშნული პირებიდან 1 დაინიშნა თბილისის სააპელაციო სასამართლოში (ბესარიონ ალავიძე), ხოლო 5 რაიონულ (საქალაქო) სასამართლოებში.

ამასთან, 2009 წლის 10 მარტს იუსტიციის უმაღლეს სკოლაში ჩაირიცხა 3 მსმენელი: ბესიკ ბუგიანიშვილი, შალვა კაკაურიძე და თამარ ონიანი.
იუსტიციის უმაღლესი სკოლა 2009 წლის 16 მარტს დაიწყებს სასწავლო კურსს როგორც ახლადდანიშნული მოსამართლეებისათვის, ისე იუსტიციის უმაღლესი სკოლის ახალი მსმენელებისათვის.