საქართველოს იუსტიციის უმაღლესმა საბჭომ 2015 წლის 28 სექტემბერს, „საქართველოს იუსტიციის უმაღლესი საბჭოს რეგლამენტის დამტკიცების შესახებ“ საქართველოს იუსტიციის უმაღლესი საბჭოს 2007 წლის 25 სექტემბრის №1/208-2007 გადაწყვეტილებით დამტკიცებული საქართველოს იუსტიციის უმაღლესი საბჭოს რეგლამენტის 13¹  მუხლის შესაბამისად, მიიღო გადაწყვეტილება თანამდებობაზე დანიშნული მოსამართლის შესაბამისი ინსტანციის სასამართლოს მოსამართლედ კონკურსის გარეშე, თავისი უფლებამოსილების ვადის ფარგლებში, დანიშვნის საკითხის ინიცირების თაობაზე, თბილისის სააპელაციო სასამართლოს შემდეგ ვაკანტურ თანამდებობებზე:

1. ადმინისტრაციულ საქმეთა პალატა - 3 საშტატო ერთეული;
2. სამოქალაქო საქმეთა პალატა - 1 საშტატო ერთეული;
3. სისხლის სამართლის საქმეთა პალატა - 2 საშტატო ერთეული;
4. საგამოძიებო კოლეგია - 1 საშტატო ერთეული.

აღნიშნულ თანამდებობებზე დანიშვნის მსურველმა მოსამართლეებმა შესაბამისი განაცხადი უნდა წარმოადგინონ მიმდინარე წლის 29 სექტემბრიდან 6 ოქტომბრის ჩათვლით იუსტიციის უმაღლეს საბჭოში. განაცხადი შესაძლებელია წარმოდგენილ იქნეს მატერიალური სახით ან გამოიგზავნოს შემდეგ ელექტრონულ მისამართებზე: t.japaridze@hcoj.gov.ge;  t.magradze@hcoj.gov.ge