საქართველოს იუსტიციის უმაღლესი საბჭოს 2014 წლის 3 თებერვლის გადაწყვეტილებით გაგრძელდა მოსამართლეთა შესარჩევ კონკურსში მონაწილეობის მსურველთა რეგისტრაციის ვადა. რეგისტრაცია იწარმოებს 2014 წლის 9 თებერვლის ჩათვლით.

ამასთან, იუსტიციის უმაღლესი საბჭოს გადაწყვეტილებით დაკონკრეტდა სასამართლოში არსებული ვაკანტური თანამდებობების ჩამონათვალი კოლეგიებისა და პალატების მითითებით, კერძოდ ცვლილება შეეხო 4 სასამართლოში გამოცხადებულ ვაკანსიას. კონკურსში მონაწილეობის მსურველმა პირმა განაცხადის გაკეთებისას,  ქვემოთ ჩამოთვლილ სასამართლოებთან მიმართებით, გთხოვთ გაითვალისწინოთ, ვაკანსიაზე არსებული სპეციალიზაცია.

 თბილისის სააპელაციო სასამართლო:

ა) სამოქალაქო საქმეთა პალატა - 1 საშტატო ერთეული;    

ბ) ადმინისტრაციულ საქმეთა პალატა - 1 საშტატო ერთეული. 

 ქუთაისის სააპელაციო სასამართლო:

ა) სისხლის სამართლის საქმეთა პალატა - 1 საშტატო ერთეული;   

ბ) სამოქალაქო საქმეთა პალატა - 1 საშტატო ერთეული;                  

გ) ადმინისტრაციულ საქმეთა პალატა - 1 საშტატო ერთეული.

თბილისის საქალაქო სასამართლო:

     ა) ადმინისტრაციულ საქმეთა კოლეგია - 1 საშტატო ერთეული.

ბათუმის საქალაქო სასამართლო:

     ა) სისხლის სამართლის საქმეთა კოლეგია - 1 საშტატო ერთეული.