2018 წლის 2 აპრილს იუსტიციის უმაღლესი საბჭოს სხდომას ამერიკის შეერთებული შტატების მეოთხე ფედერალური ოლქის სააპელაციო სასამართლოს მოსამართლე, ელისონ ქეი დანქენი დაესწრება.
მოსამართლე დანქენი საქართველოს ერთი კვირით სტუმრობს. 2 აპრილს იგი იუსტიციის უმაღლესი საბჭოს სხდომას გახსნის და ისაუბრებს ამერიკის შეერთებული შტატებისა და საქართველოს მართლმსაჯულების სისტემის თანამშრომლობაზე და სამომავლო გეგმებზე. მოსამართლე დანქენი ასევე მოკლედ გააცნობს საბჭოს წევრებს საქართველოში მისი ერთკვირიანი ვიზიტისას დაგეგმილ აქტივობებს.
