სიახლეები
საქართველოს იუსტიციის უმაღლესი საბჭოს 2017 წლის 17 ივლისის სხდომის ოქმის ვიდეო ჩანაწერი ივლისი 19, 2017

საქართველოს იუსტიციის უმაღლესი საბჭოს 2017 წლის 17 ივლისის სხდომის ოქმის ვიდეო ჩანაწერი

2017 წლის 24 ივლისს გაიმართება საქართველოს იუსტიციის უმაღლესი საბჭოს სხდომა ივლისი 18, 2017

2017 წლის 24 ივლისს 11:00 საათზე გაიმართება საქართველოს იუსტიციის უმაღლესი საბჭოს სხდომა.

იხილეთ დღის წესრიგი.

საქართველოს იუსტიციის უმაღლესი საბჭოს განცხადება ივლისი 17, 2017

საქართველოს იუსტიციის უმაღლესმა საბჭომ 2017 წლის 17 ივლისს, „საქართველოს იუსტიციის უმაღლესი საბჭოს რეგლამენტის დამტკიცების შესახებ“ საქართველოს იუსტიციის უმაღლესი საბჭოს 2007 წლის 25 სექტემბრის №1/208-2007 გადაწყვეტილებით დამტკიცებული საქართველოს იუსტიციის უმაღლესი საბჭოს რეგლამენტის 131 მუხლის შესაბამისად, მიიღო გადაწყვეტილება თანამდებობაზე დანიშნული მოსამართლის შესაბამისი ინსტანციის სასამართლოს მოსამართლედ კონკურსის გარეშე, თავისი უფლებამოსილების ვადის ფარგლებში, დანიშვნის საკითხის ინიცირების თაობაზე, თბილისის საქალაქო სასამართლოს შემდეგ ვაკანტურ თანამდებობებზე:
1. ადმინისტრაციულ საქმეთა კოლეგია  - 1 საშტატო ერთეული;
2. სამოქალაქო საქმეთა კოლეგია - 1 საშტატო ერთეული;
3. სისხლის სამართლის საქმეთა კოლეგია - 1 საშტატო ერთეული;
4. საგამოძიებო და წინასასამართლო სხდომის კოლეგია  - 1 საშტატო ერთეული.

აღნიშნულ თანამდებობებზე დანიშვნის მსურველმა მოსამართლეებმა შესაბამისი განაცხადი უნდა წარმოადგინონ მიმდინარე წლის 17 ივლისიდან 23 ივლისის ჩათვლით იუსტიციის უმაღლეს საბჭოში. განაცხადი შესაძლებელია წარმოდგენილ იქნეს მატერიალური სახით ან გამოიგზავნოს შემდეგ ელექტრონულ მისამართებზე: t.japaridze@hcoj.gov.ge; t.magradze@hcoj.gov.ge.

 

საქართველოს იუსტიციის უმაღლესმა საბჭომ რეგლამენტში ცვლილების პროექტი დაამტკიცა ივლისი 17, 2017

2017 წლის 17 ივლისის სხდომაზე საქართველოს იუსტიციის უმაღლესმა საბჭომ მიიღო რეგლამენტში ცვლილების პროექტი. წარმოდგენილი ცვლილებით დარეგულირდა თანამდებობაზე 3 წლის გამოსაცდელი ვადით გამწესებული იმ მოსამართლის უვადოდ დანიშვნის პროცესი, რომელსაც სამოსამართლო საქმიანობის არანაკლებ 3 წლის გამოცდილება აქვს.  

რეგლამენტში ცვლილების შეტანა განაპირობა  „საერთო სასამართლოების შესახებ“ საქართველოს ორგანულ კანონში 2017 წლის 16 ივნისს განხორციელებულმა ცვლილებამ, რომლითაც დადგინდა თანამდებობაზე 3 წლის გამოსაცდელი ვადით დანიშნული იმ მოსამართლის თანამდებობაზე უვადოდ გამწესების წესი, რომელსაც სამოსამართლო საქმიანობის არანაკლებ 3 წლის გამოცდილება აქვს. ორგანულ კანონში ცვლილება კი, თავის მხრივ დაეფუძნა საქართველოს საკონსტიტუციო სასამართლოს 2017 წლის 15 თებერვლის გადაწყვეტილებას.

ევროკავშირის მხარდაჭერით, საქართველოს იუსტიციის უმაღლესმა საბჭომ, პარლამენტის იურიდიულ საკითხთა კომიტეტთან და იუსტიციის სამინისტროსთან ერთად სამუშაო შეხევედრა გამართა ივლისი 17, 2017

სასამართლო სისტემის რეფორმის სტრატეგიაზე და მისი აღსრულებისთვის საჭირო საკანონმდებლო ცვლილებების პრიორიტეტულ საკითხებზე იმსჯელეს, 15-16 ივლისს, ქობულეთში გამართულ ერთობლივ შეხვედრაზე, რომელსაც იუსტიციის უმაღლესი საბჭოს, იურიდიულ საკითხთა კომიტეტისა და იუსტიციის სამინისტროს წარმომადგენლები ესწრებოდნენ.

სასამართლო სისტემაში არსებულ ძირითად გამოწვევებზე და დაგეგმილ რეფორმებზე მოხსენება უზენაესი სასამართლოს თავმჯდომარემ, ნინო გვენეტაძემ, იუსტიციის უმაღლესი საბჭოს მდივანმა, გიორგი მიქაუტაძემ, იუსტიციის მინისტრმა, თეა წულუკიანმა და იურიდიულ საკითხთა კომიტეტის თავმჯდომარემ, ეკა ბესელიამ გააკეთა. შეხვედრის მონაწილეებს მისასალმებელი სიტყვით ასევე მიმართა საქართველოში ევროკავშირის ელჩმა, იანოშ ჰერმანმა და ევროპის საბჭოს საქართველოს ოფისის ხელმძღვანელმა - კრისტიან ურსემ.

2017 წლის 17 ივლისს 11:00 საათზე გაიმართება იუსტიციის უმაღლესი საბჭოს სხდომა ივლისი 12, 2017

2017 წლის 17 ივლისს 11:00 საათზე გაიმართება იუსტიციის უმაღლესი საბჭოს სხდომა.

იხ. დღის წესრიგი