Latest News
2016 წლის 28 ნოემბერს გაიმართება იუსტიციის უმაღლესი საბჭოს სხდომა (EN) November 25, 2016

2016 წლის 28 ნოემბერს 15:00 საათზე გაიმართება იუსტიციის უმაღლესი საბჭოს სხდომა.

დღის წესრიგი განთავსდება მოგვიანებით.

ევროპის საბჭოში საქართველოსთვის 2016-2019 წლების სამოქმედო გეგმაზე იმსჯელეს (EN) November 21, 2016

2016 წლის 15 ნოემბერს ქ. სტრასბურგში ევროპის საბჭოში გამართულ შეხვედრაზე განხილული იქნა საქართველოსთვის 2016-2019 წლების ევროპის საბჭოს სამოქმედო გეგმა. აღნიშნული დოკუმენტი მოიცავს ევროპის საბჭოს მიერ საქართველოში განსახორციელებელ პროექტებს, რომელთა მიზანია ქართულ მხარესთან თანამშრომლობა ადამიანის უფლებების დაცვის, დემოკრატიისა და სამართლის უზენაესობის განმტკიცების მიმართულებებით. 

მართლმსაჯულების სტრატეგიისა და სამოქმედო გეგმის კომიტეტის პირველი სამუშაო ჯგუფის შეხვედრა გაიმართა (EN) November 17, 2016

2016 წლის 17 ნოემბერს საქართველოს იუსტიციის უმაღლეს საბჭოში გაიმართა მართლმსაჯულების სტრატეგიისა და სამოქმედო გეგმის კომიტეტის პირველი სამუშაო ჯგუფის -  „სასამართლოს დამოუკიდებლობა და მიუკერძოებლობა“  შეხვედრა.

შეხვედრას ხელმძღვანელობს სტრატეგიული კომიტეტის მდივანი, იუსტიციის უმაღლესი საბჭოს წევრი - ევა გოცირიძე. შეხვედრას ესწრებოდნენ: საქართველოს უზენაესი სასამართლოს და იუსტიციის უმაღლესი საბჭოს თავმჯდომარე - ნინო გვენეტაძე, კანონის უზენაესობის მხარდაჭერა საქართველოში“ (EWMI/PROLoG) , გერმანიის საერთაშორისო თანამშრომლობის საზოგადოება (GIZ), ადვოკატთა კორპუსის, არასამთავრობო და საერთაშორისო ორგანიზაციების წარმომადგენლები.

სტრატეგიული კომიტეტეტის წევრებს ევა გოცირიძემ მის მიერ მომზადებული პროექტი „სასამართლოს დამოუკიდებლობა და მიუკერძოებლობა“ წარუდგინა, რომელშიც  ძირითადი პრინციპები, ხედვები, თემები და მიმართულებებია წარმოდგენილი. აღნიშნულ საკითხთან დაკავშირებით ჯგუფის წევრებმა თავიანთი მოსაზრებები გამოხატეს.

2016 წლის 16 ნოემბერს გაიმართება იუსტიციის უმაღლესი საბჭოს სხდომა (EN) November 17, 2016

2016 წლის 16 ნოემბერს გაიმართება იუსტიციის უმაღლესი საბჭოს სხდომა.

დღის წესრიგი განთავსდება მოგვიანებით.

ლატვიის რესპუბლიკის წარმომადგენლები იუსტიციის უმაღლეს საბჭოს ესტუმრნენ (EN) November 14, 2016

2016 წლის 14 ნოემბრს საქართველოს იუსტიციის უმაღლეს საბჭოს ლატვიის რესპუბლიკის საკვალიფიკაციო პალატისა და სასამართლო ადმინისტრაციის დელეგაცია ესტუმრა.

ადმინისტრაციული სასამართლოს მთავარ მოსამართლე, საკვალიფიკაციო კომიტეტის წევრ-მარის ვიგანტსის, ადმინისტრაციული დირექტორის მოადგილე-ინეს კალნინას, ინეს ლინცას და სასამართლო ადმინისტრაციის იურიდიული და ადამიანური რესურსების დეპარტამენტის დირექტორს-ინეს ლინცას საქართველოს იუსტიციის უმაღლესი საბჭოს მდივანი-ლევან მურუსიძე და საბჭოს წევრები შეხვდნენ.

მართლმსაჯულების სტრატეგიისა და სამოქმედო გეგმის კომიტეტის მესამე სამუშაო ჯგუფის შეხვედრა გაიმართა (EN) November 10, 2016

2016 წლის 10 ნოემბერს საქართველოს იუსტიციის უმაღლეს საბჭოში გაიმართა მართლმსაჯულების სტრატეგიისა და სამოქმედო გეგმის კომიტეტის მესამე სამუშაო ჯგუფის - „ეფექტიანი და ხარისხიანი მართლმსაჯულება“ შეხვედრა.

შეხვედრას ხელმძღვანელობდა სტრატეგიული კომიტეტის მდივანი, იუსტიციის უმაღლესი საბჭოს წევრი -კახა სოფრომაძე და საერთაშორისო თანამშრომლობისა და ხარისხის მართვის დეპარტამენტის უფროსი - ალექსანდრე წულაძე.