დაიბადა 1978 წლის 28 ნოემბერს ხობის რაიონში.

1995 წელს დაამთავრა ხობის საშუალო სკოლა.

2000 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი და მიენიჭა იურისტის კვალიფიკაცია.

2006 წელს ჩააბარა მოსამართლეობის საკვალიფიკაციო გამოცდა.

2001-2002 წლებში მუშაობდა საქართველოს იუსტიციის სამინისტროს შიდა კონტროლის სამსახურის, კონტროლისა და აუდიტის სამმართველოში მრჩევლად.

2002-2004 წლებში მუშაობდა თბილისის საერთაშორისო იურიდიულ კომპანია შპს ''ვეკოს'' ადვოკატად.

2004 წელს იურიდიულ საქმიანობას ეწეოდა საერთაშორისო საადვოკატო სააგენტო შპს ''ვეგაში''.

2004-2006 წლებში მუშაობდა საქართველოს იუსტიციის უმაღლეს საბჭოში საბჭოს წევრის თანაშემწედ.

2006-2007 წლებში მუშაობდა საქართველოს იუსტიციის უმაღლესი საბჭოს სამოსამართლო ეთიკისა და დისციპლინური სამართალწარმოების დეპარტამენტის კონსულტანტად.

2007-2009 წლებში იყო მცხეთის რაიონული სასამართლოს მოსამართლე.

2008-2009 წლებში მივლინების საფუძველზე მოსამართლის უფლებამოსილებას ახორციელებდა წალენჯიხის რაიონულ სასამართლოში.

2009-2017 წლებში მივლინების საფუძველზე მოსამართლის უფლებამოსილებას ახორციელებდა თბილისის საქალაქო სასამართლოში.

2017 წლის მაისიდან არის თბილისის საქალაქო სასამართლოს სამოქალაქო საქმეთა კოლეგიის მოსამართლე.

2019 წლის ოქტომბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.