დღეს,3 ივლისს, საქართველოსიუსტიციის უმაღლესი საბჭოს ახალი შემადგენლობით პირველი სხდომა გაიმართა.

დღის წესრიგით გათვალისწინებული 4 საკითხიდან პირველ საკითხად განიხილეს თბილისის საქალაქო სასამართლოს ადმინისტრაციულ საქმეთა კოლეგიის თავმჯდომარისა და სასამართლოს თავმჯდომარის დანიშვნის საკითხი. იუსტიციის უმაღლესი საბჭოს მდივანმა გიორგი მიქაუტაძემ აღნიშნულ თანამდებობაზე ვასილ მშვენიერაძის კანდიდატურა წარადგინა.

კანდიდატთან გასაუბრების შედეგად იუსტიციის უმაღლესი საბჭოს წევრებმა ღია კენჭისყრით, ხმათა უმრავლესობით ვასილ მშვენიერაძე აირჩიეს.

დღეს, 3 ივლისს რუსთავის საქალაქო სასამართლოში საქმეთა ელექტრონული განაწილების სისტემის პრეზენტაცია გაიმართა. ღონისძიება გახსნა საქართველოს უზენაესი სასამართლოსა და იუსტიციის უმაღლესი საბჭოს თავმჯდომარე ნინო გვენეტაძემ.

სტუმრებს მიესალმნენ საქართველოს იუსტიციის მინისტრი თეა წულუკიანი და საქართველოს პარლამენტის იურიდიულ საკითხთა კომიტეტის თავმჯდომარე ეკა ბესელია.

საქმეთა ელექტრონული განაწილების სისტემის პრეზენტაციას ესწრებოდნენ საქართველოს იუსტიციის უმაღლესი საბჭოს მდივანი გიორგი მიქაუტაძე, იუსტიციის უმაღლესი საბჭოს წევრები, საქართველოს პროკურატურის, არასამთავრობო ორგანიზაციების, საერთაშორისო და დიპლომატიური კორპუსის და მედიის წარმომადგენლები.

თბილისის საქალაქო სასამართლოს ყაზახეთის უზენაესი სასამართლოს თავმჯდომარე კაირათ მამი სტუმრობდა. დელეგაციას იუსტიციის უმაღლესი საბჭოს მდივანმა გიორგი მიქაუტაძემ და თბილისის საქალაქო სასამართლოს სხვადასხვა კოლეგიის თავმჯდომარეებმა და მოსამართლეებმა უმასპინძლეს.

შეხვედრაზე, მხარეებმა ორმხირივი გამოცდილება გაუზიარეს ერთმანეთს, ისაუბრეს მიმდინარე რეფორმებსა და სასამართლოს წინაშე მდგარ გამოწვევებზე. ყაზახი კოლეგები დაინტერესდნენ მოწმეთა დაკითხვის ახალი წესითა და არასრულწლოვანთა მართლმსაჯულების კოდექსის სპეციფიკით.

სტუმრებმა შეხვედრის დასრულების შემდეგ ნაფიც მსაჯულთა დარბაზი და მოქალაქეთა მომსახურების ცენტრი მოინახულეს.