დაიბადა 1976 წლის 21 მარტს ქ. თელავში.

1993 წელს დაამთავრა თელავის N 8 საშუალო სკოლა.

1998 წელს დაამთავრა საქართველოს ტექნიკური უნივერსიტეტის იურიდიული ფაკულტეტი  და მიენიჭა იურისტის კვალიფიკაცია.

2007-2009 წლებში იყო იუსტიციის უმაღლესი სკოლის მსმენელი.

1998-2007 წლებში იყო საქართველოს საკონსტიტუციო სასამართლოს წამყვანი სპეციალისტი, შემდგომ მოსამართლის თანაშემწე და მთავარი მრჩეველი.

2009-2011 წლებში იყო ხელვაჩაურის რაიონული სასამართლოს მოსამართლე.

2011 წლის მარტიდან მოსამართლის უფლებამოსილებას ახორციელებდა სიღნაღის რაიონულ სასამართლოში, ამავდროულად დაკისრებული ჰქონდა სიღნაღის რაიონული სასამართლოს თავმჯდომარის უფლებამოსილების განხორციელება.

2012-2017 წლებში იყო სიღნაღის რაიონული სასამართლოს თავმჯდომარე.

2017 წლის მაისიდან არის თბილისის სააპელაციო სასამართლოს სამოქალაქო საქმეთა პალატის მოსამართლე.

2017-2021 წლებში საქართველოს პარლამენტის მიერ არჩეული იყო საქართველოს იუსტიციის უმაღლესი საბჭოს წევრად.

2022 წლის მარტიდან დაეკისრა ქუთაისის სააპელაციო სასამართლოს თავმჯდომარის უფლებამოსილების განხორციელება.

2022 წლის ივლისიდან დანიშნულია ქუთაისის სააპელაციო სასამართლოს თავმჯდომარის თანამდებობაზე 5 წლის ვადით.

2024 წლის 12 ოქტომბერს მოსამართლეთა კონფერენციამ საქართველოს იუსტიციის უმაღლესი საბჭოს წევრად აირჩია.