I სამუშაო ჯგუფის შეხვედრა.
აპრილი 18, 2018

2018 წლის 20 აპრილს 15:00 საათზე გაიმართება 2017-2021 წლების სასამართლო სისტემის სტრატეგიისა და მისი იმპლემენტაციის სამოქმედო გეგმის შესრულების მიზნით შექმნილი I სამუშაო ჯგუფის (სასამართლოს დამოუკიდებლობისა და მიუკერძოებლობის უზრუნველყოფა) შეხვედრა.

დღის წესრიგით გათვალისწინებული საკითხები:

1. 2017-2021 წლების სასამართლო სისტემის სტრატეგიითა და მისი იმპლემენტაციის 2017-2018 წლების სამოქმედო გეგმით გათვალისწინებული ცალკეული აქტივობების შესრულების მდგომარეობის შესახებ ინფორმაციის წარდგენა;

2. „საერთო სასამართლოების შესახებ“ საქართველოს ორგანულ კანონში ცვლილების შეტანის თაობაზე“ საქართველოს ორგანული კანონის პროექტების განხილვა (იხ. აქტივობები - 1.1.1.6; 1.1.4.1.; 1.1.4.2.);

3. „საქართველოს იუსტიციის უმაღლესი საბჭოს რეგლამენტის დამტკიცების შესახებ“ საქართველოს იუსტიციის უმაღლესი საბჭოს 2007 წლის 25 სექტემბრის №1/208-2007 გადაწყვეტილებაში ცვლილების შეტანის თაობაზე საქართველოს იუსტიციის უმაღლესი საბჭოს გადაწყვეტილების პროექტების განხილვა (იხ. აქტივობები - 1.1.3.2.; 1.4.1.4.; 1.4.1.5.);

4. „მოსამართლეობის კანდიდატების შერჩევის წესის დამტკიცების შესახებ“ საქართველოს იუსტიციის უმაღლესი საბჭოს 2009 წლის 9 ოქტომბრის №1/308 გადაწყვეტილებაში ცვლილების შეტანის თაობაზე საქართველოს იუსტიციის უმაღლესი საბჭოს გადაწყვეტილების პროექტის განხილვა (იხ. აქტივობა - 1.3.1.1.);

5. სტრატეგიითა და სამოქმედო გეგმით გათვალისწინებული აქტივობების შესრულების სამომავლო გეგმებზე შეთანხმება, ამ მიზნით ჯგუფის წევრებს შორის დავალებების განაწილება და მათი შესრულების ვადების განსაზღვრა.