გიორგი შავლიაშვილი

დაიბადა 1973 წლის 11 აგვისტოს ქ. ყვარელში.

1990-1996 წლებში სწავლობდა ივანე ჯავახიშვილის სახელობის თბილისის სახელმწიფო უნივერსიტეტში.

1994 წლიდან მუშაობდა საქართველოს უზენაეს სასამართლოში სხვადასხვა თანამდებობებზე - საქართველოს უზენაესი სასამართლოს ექსპედიტორად, ინსპექტორად, სხდომის მდივნად, თავმჯდომარის მოადგილის თანაშემწედ.

საქართველოს პრეზიდენტის 2005 წლის 20 ივნისის #511 ბრძანებულებით დაინიშნა თბილისის საქალაქო სასამართლოს მოსამართლედ.

საქართველოს პრეზიდენტის 2005 წლის 5 ივლისის #530 განკარგულებით დაინიშნა თბილისის საქალაქო სასამართლოს სისხლის სამართლის საქმეთა კოლეგიის თავმჯდომარედ.

საქართველოს პრეზიდენტის 2005 წლის 5 ივლისის #531 განკარგულებით დაეკისრა თბილისის საქალაქო სასამართლოს თავმჯდომარის უფლებამოსილება.

2006 წლის 6 თებერვალს საქართველოს მოსამართლეთა კონფერენციის ადმინისტრაციული კომიტეტის #1 დადგენილებით არჩეულ იქნა საქართველოს იუსტიციის უმაღლესი საბჭოს წევრად.

2007 წლის 31 ივლისს საქართველოს მოსამართლეთა კონფერენციის ადმინისტრაციული კომიტეტის #9 დადგენილებით არჩეულ იქნა საქართველოს იუსტიციის უმაღლესი საბჭოს წევრად.